بلوچستان آجوئی سنگر ( بی ایل ایپ) ءِ جارکش میجر گھرام ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں آواران ءِ ھند جاؤ، سیڑ ءَ دژمنیں لشکر ءِ پیادگیں گشتی ٹولی ءِ سر ءَ اُرش کُرتگ کہ اُرش ءَ لشکر ءِ پنچ کارمند مُرتگ ءِ دو ٹپی بیتگ۔
آئی ءَ گوشتگ کہ یکشمبے ءِ سُھب ءِ یازدہ ءِ نزیک ءَ بیتگیں اے اُرش ءَ نوکین ءُ وتکاریں سلاہ کارمرد کنگ بیتگ، چہ ایشی ءَ ڈژمنیں لشکر ءِ پنچ کارمند جاھی مُرتگ ءُ دو سَک ٹپی بیتگ۔
جارکش ءَ گوشتگ کہ زورگریں پاکستانی لشکر ءِ سر ءَ سرمچارانی جوانمردیں اُرش انچوش ترسناک ءُ مزن اَنت کہ زورگریں لشکر سرمچارانی اُرشانی زھراں لس آبادیانی سر ءَ مارٹر گولا آس دنت ءُ زراکی کنت۔
آئی ءَ گوشتگ کہ یکشل ءَ برجاھیں بلوچ راجی آجوئی جنگ ءَ دژمنیں لشکر سک زھنی ءُ سَسّائی نادراھی ءِ آماچ کُرتگ۔ دژمنیں لشکر بازیں جنگاں کُشگ بیتگیں وتی کارمندانی مرگ ءَ چیر دنت ءُ وتی جھل کپتگیں ھاٹیگ ءِ برجاہ دارگ ءِ بے سوبیں جُھدے کنگ ءَ اِنت۔
بی ایل ایپ ءِ جارکش میجر گھرام ءَ اُرش ءِ زمہ واری منّ اِتگ ءُ گوشتگ کہ راج ءَ گْوشگ لوٹ ایں بی ایل ایپ پہ وتی سرڈگار، راجی ھستمان ءُ آجوئی ءَ یکشلیں جُھد ءَ وتی راجی پرز سرپد بیت ءُ اے اُرش داں بلوچستان ءِ آجوئی ءَ برجاہ بنت۔
