بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں سے پروری، دوشمبے ءِ سھب ءِ دہ ءَ کیچ ءِ ھند ھیرونک ءَ سی پیک دگ ءَ پاکستانی لشکر گوں چیر کرتگیں شورھاں نشانگ کرتگ۔ یک گاڑی یے اُرش ءِ زد ءَ اتکگ ءُ چہ ایشی ءَ سے کارمند مرتگ ءُ گاڑی ءَ باز تاوان بیتگ۔
آئی ءَ گوشتگ کہ اُرش ءَ پد زوت ھمے جاہ ءَ جنگی بالیگ اتکگ ءُ تیرگواری کرتگ، ھمے جاہ ءَ نوہ سد کدم ءَ لشکر ءِ چوکی اِنت کہ آئی تیر گواری کرتگ۔ بلے چہ جنگی رپکاں سوھوئیں سرمچار پہ سلامتی درکپتگ اَنت ءُ وتی مھکمیں بندر ءَ شتگ اَنت۔
جارکش ءَ گوشتگ کہ بی ایل ایپ ءِ مھکمیں کاروائی شھر ءُ کوچگاں گوں مھکمی ءَ برجاہ اَنت کہ گل ءِ گھتریں جنگی کارشونیاں پدر کن اَنت۔
میجر گھرام ءَ اُرش ءِ زمہ واری منّ اتگ ءُ گوشتگ کہ ھمے کول ءَ کن ایں داں بلوچستان ءَ زورگریں لشکر ءِ سرجم ءَ درآھگ ءَ زورگریں لشکر ءُ آئی شوربندیاں نشانگ کن ایں۔
