بلوچ راجی راھشون ءُ بلوچستان آجوئی سنگر ( بی ایل ایپ ) ءِ سرکماش ڈاکٹر اللہ نزر ءَ ماں چاگردی رسانکدر ایکس ءَ نبشتگ کہ پنجاپ ءَ پاکستان ءِ جوڑ بیگ نہ منّ اِتگ۔ پدا پاکستانی لشکر ءَ یونینسٹ پارٹی ءِ ھزر ھیات ءَ لاچار کُرت گڑا ھمائی کمک گون بیت، بلے1973 ءَ پاکستان ءِ راھبند جوڑ کنوک ھپیز پیرزادہ گوش ایت کہ اے راھبند ئین مرتگیں ھسپے۔
بلوچ راھشون ءَ گوشتگ کہ اے ڈیھ ءِ ھال انت۔ من نہ زاناں ڈاکٹر مالک ادا چونیں “کنٹریکٹ” لوٹ ایت۔ لس بلوچ اوں ھیران انت۔ اگاں سنا بلوچ آرٹیکل 151 ءِ گپ ءَ جنت ھم، اجب انت۔ بلوچ راج سرپد انت کہ مرچی پنجاپ ءَ لشکر ءَ پہ زور منارینتگ کہ پاکستان ءَ وتی بہ کن اِت۔
