حوال تا رد ئٹ مکران نا دریابی شار ئٹ ناگمان آ سخت زمین جمب مننگ نا خلیس ارے، چاہندار آک خبڑدار کرینو۔
ڈائریکٹر نیشنل سونامی سینٹر امیر حیدر پسنی ٹی بروکا زلزلہ آن پد سونامی نا خلیس تون تفوک درشانی کریسہ ڈائریکٹر نیشنل سونامی سینٹر امیر حیدر نا پاننگ ئس کہ پسنی ٹی بروکا زمین جمب سمندر ٹی سبڈکشن زون ٹی ئس۔
ڈائریکٹر نیشنل سونامی سینٹر نا رد ئٹ اوڑان گڈ اسہ پین ہم آفٹر شاک اس بس، 5 ئنا ترندی ئٹ سونامی ودی مفک واہم 6.5 آن گیشتر ترندی نا زمین جمب آن سونامی نا خلیس مریک۔
خیال ئٹ مرے کہ اینو شام ئنا 6 بجہ نا خڑک مکران ڈویژن نا جتا غا علاقہ آتیٹ زمین جمب ئنا جھٹکہ محسوس کننگانو۔ زمین جمب ئنا چاہندار آتا بنجاہ نا ردئٹ زمین جمب نا جھٹکہ غاک گوادر، پسنی، اورماڑہ و کیچ ئٹی محسوس کننگانو۔ اوفتا پاننگ ئس کہ زمین جمب نا ترندی 5.6 و کڑمبی 30 کلومیٹر ریکارڈ کننگانے، زمین جمب نا بنجاہ گوادر نا تحصیل پسنی نا خڑک ئس۔
