بلوچ نیشنل موومنٹ نا انسانی حق آتا ادارہ پانک ارِغ و زائیفہ، سمیر بلوچ و رخسانہ عرف ھانی گل بلوچ نا بیگواہ کننگ و کھسفنگ نا مذمت ئے کیک، پانک سوشل میڈیا آ تینا اسِہ درشان ئسیٹی پارے کہ، بلوچ پناہ گیر آتا برخلاف دا وڑ ئنا زوراکی ریاست نا دھشتگردی ئے، نن دون انگا واقع آتے برداشت کپنہ۔
اونا رِد ئٹ دا واقع ہمو تسلسُل نا بشخ ئسے، کہ مچ جہان ئٹ خاص کر ایران، افغانستان آن بار انگا ہمسایہ آ ملک آتا بلوچ آتے و انسانی حق آتا باسک آتے ٹِک کننگو۔ نن انٹرنیشنل ادارہ آتا کنڈ آن دون انگا واقع تا برخلاف نوٹس ہلنگ نا خواست ئے کینہ ۔
پانک مُستی تینا درشان ئٹی پارے کہ نن حکام آن خواست کینہ کہ او دا بابت ئٹ پٹ و پول کے و دا واقع نا ذمہ وار آتے سِزا تِننگ مرے۔
آخیر ئٹ او مہذب آ جہان آ زور شاغِسہ پارے کہ اوفک دون انگا ظلم آتا برخلاف زوت کاروائی کیر۔
