ریڈیو زْرمبش براہوئی | ریڈیو زْرمبش براہوئی,Germany-protest,Baloch-national-movement-,UK-protest

جرمنی : بلوچستان ئٹی سی ٹی ڈی نا نیمہ آن برجاء دروغ ئنا مقابلہ تا برخلاف بلوچ نیشنل موومنٹ جرمنی چیپٹر ہنور شہر ئٹی برانز کرینے ۔

برانزیک پمفلٹ ونڈ کرِسا پاکستانی لشکر نا زوراکی تا بارَو ئٹ اُلس ئے سرپدی تِسُر ، ہراڑے بے گُناہ شاری تے دزگیر کرِسا تُو و سال آتا کچ ٹارچر سیل آتیٹی بندی کیرہ و پدا اوفتے آزادتی پسند نا پن تِرِسا دروغ ئنا مقابلہ آتیٹی خلیرہ۔

بی این ایم نا انسانی حق آتا بشخ پانک ئنا رِد ئٹ اِسہ نومبر 2023 ئنا تُو ئٹی ہشت بلوچ ئے دروغ ئنا مقابلہ ٹی خلکُنو ۔ ہرافتیٹی بالاچ مولابخش ئے پاکستانی لشکر 28 اکتوبر آ اونا اُراغان زوراکی ئٹ بیگواہ کرے و نومبر آ اودے دروغ ئنا مقابلہ ٹی خلّک۔

بالاچ نا خاوت تُربَت شہر ئٹی جون ئے تِخِسا ہفت دے اسکان برانز کرے ولے اوفتے انصاف رسینگتو۔
اونا خاوت تون کیچ ئنا ہزار آتا کچ بندغ آک اوار مسُر۔ اونا کوش آن کُل بلوچستان ئٹی و سوشل میڈیا ٹی برانز و ریلی نا لہر برجاء مس ۔
جرمنی و برطانیہ ٹی بلوچ نیشنل موومنٹ سی ٹی ڈی نا دروغ ئنا مقابلہ تا برخلاف برانز کرے ۔
بلوچستان ئٹی پاکستان نا زوراکی ئے بے پڑدہ کننگ کن مُستی آگاہی مہم آک برجاء مرور۔