مستونگ: بلوچ یکجھتی کمیٹی ءِ نیمگ ءَ شمبے ءِ روچ ءَ چہ بس اڈہ ءَ داں شھیدانی کبراں روا نکے کشگ بیتگ۔ روانک ءَ بلوچ یکجھتی کمیٹی ءِ سروک ڈاکٹر ماہ رنگ ءُ آدگہ سروک ھم گوں بیتگ اَنت۔ ھندی مردماں بازیں کچے ءَ بھر زرتگ۔
مردماں شھیدانی مانشانی سر ءَ بلوچی چادر تچک کرتگ، ڈیوا روک کتگ ءُ شھیدانی مانشانی سر ءَ پل شانی کرتگ پہ شھیدانی ارواہ ءَ دوا لوٹ اتگ۔
اے روانک ءِ مول 25 جنوری ءَ دالبندین ءَ بی وائی سی ءِ نیمگ ءَ بلوچ چکچینی ءِ بگیری ءَ بیوکیں زھرشانی بابت ءَ مردمانی سرپدی داتگ اَنت۔
گوں مردماں بی وائی سی ءِسروکاں تران کنان ءَ گوشتگ کہ پہ اے شھیدانی دیمونی، لیکہ ءُ جھد ءِ زندگ دارگ ءَ مارا وت ماں وت تپاک بوگ ءُ اے جھد ءَ دیم ءَ برگی اِنت۔
آیاں گوں مردماں لوٹ کرتگ کہ دالبندین ءَ بی وائی سی ءِ نیمگ ءَ بیوکیں مچی ءَ بھر بزور اِت ءُ زوراکیانی بگیری ءَ توار چست بہ کن اِتءُ گھگیری بہ کن اِت۔
