ھب: چیریں ادارھانی کارمندانی دست ءَ زوربیگواھیں اھوالکار زبیر بلوچ آجو بوتگ۔
آجو بوتگیں زبیر پرندوشی چیریں ادارھانی کارمنداں دارو ھوٹل ءِ نزیک ءَ گس ءَ آوار جتگ اَت کہ مرچی آجو بوتگ ءُ اے گپ کھول ءَ راست کرتگ۔
چوش کہ زبیر بلوچ ءِ زوربیگواھی ءِ بگیری ءَ آئی کھول ءُ بلوچ یکجھتی کمیٹی ءَ ھوشاپ ءُ ھب بوانی ءَ زھرشانی ءَ شھدگ بند کرتگ اَت۔ مرچی ھب ءَ روانکے ھم کش اِتگ ات۔
پولیس ءَ روانک ءِ سر ءَ بیڑ برتگ اَت ءُ زھگ ءُ جنین ءُ لٹ ءُ کٹ کرتگ اَنت، گیس جتگ ءُ آیانی سر ءَ تیرگواری کرتگ اَت۔ ھمے میان ءَ پولیس ءَ بلوچ یکجھتی کمیٹی کراچی ھنکین ءِ جھد کار جمال بلوچ دزگیر کرتگ اَت۔ رند ءَ آ ھم یل کنگ بوتگ
