بلوچ لبریشن آرمی ءِجارکش جیئند ءَ ماں رسانکدرءَ وتی شنگ کرتگیں درشانے ءَ تربت ءُ کلات ءَ پاکستانی لشکر ءِ دو چریکانی کوش ءِ زمہ واری من اتگ ءُ گوشتگ کہ بی ایل اے ءِ سرمچاراں تربت ءُ کلات ءَ دو جتائیں ارشاں پاکستانی لشکر ءُ چیریں ادارھانی دو کارمند کشتگ۔
آئی ءَ گوشتگ کہ بی ایل اے ءِسرمچاراں مرچی یک ءِ نزیک ءَ تربت ءِ ھند میری ءَ زورگریں پاکستانی لشکر ءِ چریک کارمران ء اُمر جھمنند میری تیرگواری کرتگ ءُ کشتگ ءُ آئی ءِ سلاہ گوں وت بُرتگ۔
جارکش ءَ گوشتگ کہ زورگریں پاکستانی لشکر ءِ چریک کامران دیر اِنت کہ پہ زورگریں لشکر ءَ کار ءَ بیتگ ءُ آئی ءَ وتی کشندہ ٹولی یے جوڑ کُرتگ۔کشندہ ٹولی ءَ میری ءُ کش ءُ گْوراں مردمانی گساں دور کُرتگ ءُ ورنایانی بیگواہ کنائینگ ءَ زورگریں لشکر ءِ ھمراہ بیتگ۔
آئی ءَ گوشتگ کہ باز بر ءَ کشندہ ٹولی ءَ گوں زورگریں لشکر ءِ ھمراھی ءَ دگ بستگ اَنت۔پمشکا لشکر ءَ آئی ءَ موکل داتگ کہ منشیات بھاکنوکاں زر بگر اِت۔
جارکش ءَ گوشتگ کہ بی ایل اے ءِ انٹیلیجنس بھرگ زراب ءَ ھمے ٹولی ءَ ھواریں آدگہ مردمانی نام ءُ ھال داتگ اَنت آیاں زوت کارمران ءِ وڑ ءَ گڈی آسر ءَ سر کن ایں۔
آئی ءَ دیمتر ءَ گوشتگ کہ بی ایل اے ءِ سرمچاراں 30 نومبر 2024 ءَ کلات شھر ءَ سبزی منڈی ءَ ارشے ءَ پاکستانی لشکر ءِ چیریں ادارہ ملٹری انٹلی جنس ءِچریک ھدایت اللہ پنام جڑی بوٹی تیرگوری کرتگ ءُ کشتگ۔
جارکش ءَ گوشتگ کہ ھدایت اللہ دیر اِنت کہ پہ زورگریں لشکر ءِ ایم آئی ءَ کار بیتگ۔کلات ءَ بی ایل اے ءِ یک ارشے ءَکشگ بیتگیں مھمود آپریدی ءِ نیٹورک ءُ وتگڑیں کشندہ ٹولی ءَ ھوار بیتگ۔
آئی ءَ گوشتگ کہ پاکستانی لشکر ءِ چریک ھدایت اللہ کلات شھر ءَ چاریگی ءُ پہ زورگریں لشکر ءَ مردم زورگ ءِ ھواری ءَ گسانی بیڑ برگ ءُ مردمانی بیگواہ کنگ ءَ دژمن ءِ ھمراہ بیتگ۔ بلوچ چکچکینی ءَ ھوار بوگ ءِ بنیاد ءَھدایت اللہ جڑی بوٹی بی ایل اے ءِ سرمچاراں کشتگ۔
