بلوچ ریپبلکن آرمی ءِ جارکش دوستین بلوچ ءَ ماں رسانکدر ءَ شنگ کرتگیں درشانے ءَ گوشتگ کہ بی آر اے ءِ سرمچاراں ڈیرہ گازی ھان ءَ پولیس ءِ گاڑی دوجتائیں بمب اُرش ءَ نشانگ کرتگ۔
آئی ءَ گوشتگ کہ مرچی سھب ءَ ڈیرہ گازی ھان ءِ ھند ھان پور ءَ آزم چاراہ ءِ نزیک ءَ مئے سرمچاراں پولیس ءِ یک گاڑی یے دستی بمب ءَ نشانگ کرتگ۔ تراک ءِ آسر ءَ دو پولیس کارمند ٹپی بیتگ۔
آئی ءَ گوشتگ کہ دومی اُرش ءَ روجان ءَ زاھد دگ ءِ نزیک ءَ پولیس ءِ گاڑی نشانگ کرتگ۔
جارکش ءَ گوشتگ کہ پولیس ءِ گاڑی گوں چیر کرتگیں شورھاں ھما وھد ءَ نشانگ کرتگ کہ کچے ءِ نیمگ ءَ روگ ءَ بوتگ۔ گاڑی سرجم ءَ تباه بیتگ ءُ سواریں کارمند مرتگ ءُ ٹپی بیتگ اَنت.
