کراچی: زورگریں پاکستانی لشکر ءُ چیریں ادارھانی کارمنداں گچک ءِ جاہ منندیں ورنایے آوار جنگ ءَ پد بیگواہ کرتگ۔
ھندی بنشون ءِ رد ءَ بیگواھیں ورنا ءِ نام مھمد امین ء جان مھمد اِنت کہ پنجگور ءِ ھند گچک ءِ میتگ کرک ءِ ڈل ءِ جاہ منند اِنت۔ دوشی شپ ءِ یک ءَ کوھی گوٹ ءَ سی ٹی ڈی ءُ چیریں ادارھانی کارمنداں گس ءَ بیڑ برتگ ءُ آوار جنگ ءَ پد بیگواہ کرتگ۔
مھمد امین ءِ باروا گوشگ بیت کہ شش سال بیت کراچی ءَ شتگ ءُ نشتگ۔ مھمد امین ءَ کوھی گوٹ ءَ دکانے ھست ھمود ءَ دکانداری ءَ بوتگ۔
