کیچ: تجابان ءَ زورگریں پاکستانی لشکر ءَ دگہ یک دولت نامیں ورنایے آوار جنگ ءَ پد بیگواہ کرتگ۔
اھوالکار ءِ رد ءَ بیگواہ کنگ بوتگیں دولت ء وا ھد بکش تجابان سنگ آباد ءِ جاہ منند اِنت کہ زورگریں پاکستانی لشکر ءَ مرچی نیمروچ ءِ یک ءَ آوار جتگ ءُ بیگواہ کرتگ۔
دولت ء وا ھدبکش دو سال پش ھم پاکستانی لشکر ءَ آوار جتگ ءُ بیگواہ کرتگ چہ بازیں آزاراں پد یل داتگ۔ مرچی دومی بر ءَ پد ءَ آوار جتگ ءُ بیگواہ کرتگ۔
یات بہ بہ اِت کہ مرچی چہ کرکی ءَ زورگریں پاکستانی لشکر ءَ بکشی ء انام نامیں ورنایے آوار جتگ کہ آئی کھول ءِ نیمگ ءَ زھرشانی نندانک برجاہ اِنت۔
