کیچ: مرچی سھب ءَ زوگریں پاکستانی لشکر ءَ کرکی ءَ بکشی نامیں ڈرائیورے آوار جتگ، آئی کھول ءَ زھرشانی ءَ سی پیک دگ بند کرتگ۔
اھوالکار ءِ رد ءَ بکشی ء انام کرکی سنگ آباد ءِ جاہ منند انت، مرچی سھب ءِ یازدہ ءَ زورگریں پاکستانی لشکر ءَ چہ گسانی نزیک ءَ آوار جتگ ءُ بیگواہ کرتگ۔ زور بیگواھیں بکشی ءِ باروا گوشگ بیت کہ زمباد گاڑی یے ءِ ڈرائیورے اِنت۔
زور بیگواھیں بکشی ءِ کھول ءَ آئی زوریں بیگواھی ءِ بگیری ءَ زھرشانی ءَ سی پیک دگ بند کرتگ۔ زھرشانی ءَ ھندی مردماں بازیں کچے ءَ بھر زرتگ۔
کھول ءَ آئی آجوئی ءِ لوٹ کرتگ ءُ گوشتگ دانکہ بکشی یل کنگ نہ بوتگ ما وتی زھرشانی نندانک ءَ برجاہ دار ایں۔
آیاں گوں مردمی ھکانی کارکناں ھوار ھندی مردمانی گون ءَ لوٹ کرتگ کہ بیا اَنت ءُ مئے زھرشانی ءَ بھر بزور اَنت ءُ پہ بکشی ءِ آجوئی ءَ وتی کرد ءَ پیلو بہ کن اَنت۔
