ھاران: زورگریں پاکستانی لشکر ءِ دست ءَ بیگواہ کنگ بوتگیں اُبیدالله تگاپی ءِ کھول ءِ نیمگ ءَ ھاران شھر ءَ ریڈ زون ءَ دو روچ اِنت کہ زھرشانی نندانک برجاہ اِنت۔
زھرشانی کنوکانی گوشگ اِنت کہ پاکستانی لشکر ءُ چیریں ادارھانی کارمنداں پنچ روچ پیش ابید اللہ تپگاپی چہ ھاران شھر ءَ میزان بینک ءِ نزیک ءَ آوار جتگ ءُ بیگواہ کرتگ، انگت ءَ آئی کھول ءَ ھچ وڑیں سرپدی دیگ نہ بوتگ کہ چون ءُ کج ءَ اِنت۔
ابید اللہ تگاپی ءِ کھول ءِ گوشگ اِنت اگاں مئے زھگ زوت یل کنگ نہ بوت گڑا ما وتی زھرشانی ءَ گیش ترند کن ایں۔
زھرشانی کنوکاں چه ھاران ءِ لس مھلوک ءُ مردمی ھکانی ادارھاں لوٹ کرتگ په زوربیگواھیں ابیدالله ءِ آجوئی ءَ توار چست کنگ ءَ مئے کمک ءَ بہ کن اِت۔
