کراچی: بلوچ یکجھتی کمیٹی ءِ سروک ءُ ٹائم میگزین ءِ سد نامداریں سروکانی تہ ءَ ھواریں سروک ڈاکٹر ماہ رنگ پہ میگزین ٹائم ءِ نیادے ءَ امریکہ ءَ روگ ءَ بوتگ کہ کراچی بالی پٹ ءَ دارگ بوتگ۔
اے درگت ءَ ڈاکٹر ماہ رنگ ءِ گوشگ اِنت کہ پہ ٹائم میگزین ءِ میٹ گالا ءَ امریکہ ءَ روگ ءَ بوتگ کہ آئی ءَ کراچی میان استمانی بالی پٹ ءَ بے نیمون ءَ داشتگ، سپری پابندی ءِ ھچ وڑیں کانودی نیمون پیش کنگ نہ بوتگ۔
ڈاکٹر ماہ رنگ ءَ سرکار ءِ اے کارپد مردمی ھک ءُ ترّ ءُ گرد ءِ سر ءَ پابندی لیک اِتگ اَنت ءُ گوشتگ کہ آئی سپر ءِ سر ءَ درکانودی پابندی بلوچ ءِ توار ءِ دارگ پاکستان ریاست ءِ وتی گیشیں ناھکیاں پدر کنت۔
آئی ءَ گوشتگ کہ منی سپر ءِ سر ءَ پابندی جنگ پاکستان سرکار ءِ منی آجوئی ءُ ترّ ءُ گرد ءِ ھکانی کارمرز ءِ دارگ ءُ بلوچستان ءَ مردمی ھکانی بگیری ءَ میان استمان ءَ سرپدی تکشام ءِ دارگ ءِ جھد ءَ کنگ ءَ اِنت۔ اے گامگیج ءِ مول میان استمان ءَ بلوچ ءِ توار ءِ دارگ اِنت۔
