بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کولواہ، دشت، زامران ءُ کلات ءَ چار جتائیں اُرشاں دژمنیں لشکر ءِ راشن دستیگ کرتگ اَنت، رھوتی نزام، لشکر ءِ واٹر سپلائی سسٹم ءُ زورگریں لشکر ءِ پانگس نشانگ کرتگ اَنت۔
آئی ءَ گوشتگ کہ آواران ءِ ھند کولواہ ءَ زوگریں پاکستانی لشکر ءِ راشن دستیگ کرتگ اَنت ءُ ڈرائیور کڈن کنگ ءَ پد یل داتگ۔
جارکش ءَ گوشتگ کہ سرمچاراں آوران ءِ ھند کولواہ کنیچی ءَ بیست ءُ دو ستمبر یک شمبے ءِ بیگاہ ءِ شش ءَ ٹریکٹر ءَ باریں راشن ھما وھد ءَ دستیگ کرتگ اَنت کہ آ چہ گیشکور ءِ بنجل ءَ کنیچی ءِ نیمگ ءَ روگ ءَ بوتگ۔ سرمچاراں سوبمندیں کاروائی ءَ ریاستی لشکر گیشتر سسائی آزارانی دیمپان کرتگ۔
آئی ءَ گوشتگ کہ پروش وارتگیں دژمنیں لشکر چہ بلوچ سرمچارانی ترس ءَ وتی راشناں لس مردمانی رد ءَ داں بنجل ءَ برگ ءَ اِنت چوش کہ ایشی سدکیں پروش ءِ منانک اِنت۔
جارکش ءَ گوشتگ کہ ما باز براں لس مردم ءُ ٹرانسپورٹر کڈن کرتگ اَنت کہ آ زورگر ءِ کمک ءُ چہ کمکاری ءَ وت ءَ گستا بدار اَنت، اگاں نہ آ وتی جان ءُ مال ءِ تاوان ءِ زمہ وار وت اَنت۔
آئی ءَ گوشتگ کہ دگہ یک ارشے ءَ سرمچاراں بیست ءُ دو ستمبر ءِ شپ ءِ ھشت ءَ کیچ ءِ ھند دشت کاشاپ ءَ برجاھیں زونگ موبائل ٹاور تیرگواری کرتگ ءُ مشین ءُ سامان تباہ کرتگ اَنت۔
جارکش ءَ گوشتگ کہ سیمی ارش ءَ سرمچاراں 23 ستمبر ءِ بیگاہ ءَ شش ءَ کیچ ءِ ھند زامران، مسککین گر تگران ءَ برجاھیں پاکستانی لشکر ءِ واٹر سپلائی سسٹم تیرگواری کرتگ ءُ تباہ کرتگ۔
آئی گوشتگ کہ 25 ستمبر ءِ بیگاہ ءِ چار ءَ کلات ءِ ھند شاہ مردان ءَ برجاھیں ایپ سی ءِ پانگس ءِ سر ءَ گوں وتکاریں سلاھاں اُرش کرتگ، اُرش داں بیست دمان ءَ برجاہ بوتگ، ارش ءَ دژمن ءِ یک کارمندے مرتگ ءُ دو ٹپی بوتگ۔
میجر گھرام ءَ اُرشانی زمہ واری منّ اتگ ءُ گوشتگ کہ داں بلوچستان ءِ آجوئی ءَ وتی کاروائیاں برجاہ دار ایں۔
