شال: چہ گس ءَ جستگ ءُ وتی دوستی ءَ سور کرتگیں جنینے بلوچستان سر کار ءَ وتکش ارشکارے پدر کرتگ ءُ گپ پرماتگ۔
وتکش ارشکاری ءِ نام ءَ گپ کنوکیں جنین ادیلہ کیچ ءِ میتگ رودبن ءِ جاہ منند اِنت کہ چہ وتی گس ءَ جستگ ءُ وتی دوستی ءَ سور ئے کرتگ، بلوچستان سرکار ءَ آئیءَ وتکش ارشکارے پیش کرتگ ءُ رسانکدر ءَ گپ پرماتگ۔ آئی پریس کانپریس ءَ بلوچستان سرکار ءِ جارکش شاھد رند ءُ بلوچستان اسمبلی ءِ باسک پرہ ازیم شاہ ھم ساڑی اَنت۔
اے باروا بلوچ اھوالکار کیا ءَ ماں چاگردی رسانکدر ءِ تند جاہ ایکس ءَ نبشتگ کہ راستیں وتکش ارشکار ھما اَنت کہ یکیں شپ ءَ یازدہ دمگ ءَ ارش کن اَنت۔ مرچی ھما جنین کہ وتکش ارشکار پیش کنگ بوتگ، ایشی راستی ءَ چہ روبن کیچ ءَ وتی مات ءُ پتانی منشاءِ بگیری کرتگ ءُ سور کرتگ۔ جنک ءَ وتی مات ءُ پت رھوت کرتگ ءُ گوشتگ اَنت کہ آ نوں گس ءَ واتر نہ ایت، پد ءَ چے کہ بوتگ شمئے دیم ءَ اِنت۔
