کوھلو:بارکان ءَ زورگریں پاکستانی لشکر ءِ کرنلے ءَ اھوالکار ھیات ھان کھیتران آوار جنائینتگ ءُ بیگواہ کرتگ۔
زور بیگواھیں اھوالکار ھیات ھان کھیتران ءِ کھول ءِ گوشگ اِنت کہ ایپ سی 86 ونگ ءِ کرنل بابر ھلیل وتی آدگہ کارمندانی ھمراھی ءَ ھیات ھان کھیتران ءَ آوار جتگ ءُ چیریں آزار جاھے ءَ بندیگ کرتگ کہ گوں آئی ءَ مئے رھوت بوگ ءَ نہ اِنت۔
کھول ءَ ھیات ھان کھیتران ءِ آجوئی ءِ لوٹ کرتگ ءُ گوشتگ کہ سرکار ءُ اھوالکار پہ ھیات ھان ءِ آجوئی ءَ مئے کمک ءَ بہ کن اَنت۔ اگاں سرکار بے توار بوت گڑا ما اے ویل ءِ بگیری ءَ زھرشانی کن ایں۔
