سندھودیش روولیوشنری آرمیءِ سروک سید ازگر شاہ ءَ مرچی یازدہ اگست، بلوچستان ءِ ھپتاد ءُ ھپتمی آجوئی سالروچ ءِ درگت ءَ وتی درشان ءَ گوشتگ کہ برتانیا زوگر ءَ چہ کسان بر ءَ در کپت ءِ وھدءَ 11 اگست 1947 ءَ بلوچستان ءِ آجوئی من اتگ ءُ بلوچستان ءَ ھوار درسیں ڈیھان ءَ واک داتگ کہ آ وتی تب ءَ سوڑگ بہ کن اَنت ءُ پد ءَ بلوچستان ءِ دو ایوانان بلوچستان ءَ را آجوئیں ڈیھے ءِ منگ ءِ سوڑگ کرتگ۔
آئی ءَ گوشتگ کہ 27 مارچ 1948 ءَ پاکستان ءَ آجوئیں بلوچستان ریاست ءِ سر ءَ ارش کرتگ ءُ پنجاپی لشکر ءَ پہ توپک ءِ زور بلوچستان دستیگ کرتگ، پد ءَ ھما اِنت بلوچستان ءَ پاکستانی ریاست ءِ زوریں دستیگی ءِ بگیری ءَ بلوچ راج ءِ گھگیری برجاہ اِنت ءُ ما سدکیں کہ بلوچ راجی زرمبشت وتی گھگیری جھد ءُ ھزارانی کچ ءَ شھدانی دیمونیانی برورد ءَ الم سوبین بیت۔ سند ءُ بلوچستان ءِ سر ءَ زوگریں دژمن ءِ یکین اِنت۔ پمیشکا سند ءُ بلوچستان ءَ آجوئی جھد ءَ یک توار ءُ زور بہ بنت ءُ وتی ڈیھانی آجوئی ءَ گر اَنت۔
