شال: پہ بلوچ راجی مچی ءِ چن ءُ لانچ ءَ بلوچ یکجھتی کمیٹی ءِ نیمگ ءَ جھالاوان دمگ ءِ جتائیں ھنداں گوں بی وائی سی ءِ ھمبلاں گند ءُ نند کنگ بوتگ۔ اے تر ءُ گرد ءَ ھزدار، نال ءُ سوراب ءَ پہ بلوچ راجی مچی ءِ کاراں دیوان برجم دارگ، دیوال نبیسی ءُ مردمانی یکجاہ کنگ ءَ ھمبلانی ٹولی جوڑ کنگ بوتگ اَنت۔
دومی نیمگ ءَ ھب دمگ ءِ نیمگ ءَ زی یک شمبے ءَ گڈانی ءَ مچی یے برجم دارگ بوتگ، اود ءَ ھمبلاں پہ بلوچ راجی مچی ءُ بلوچ یکجھتی کمیٹی ءَ مردمانی گون ءَ گند ءُ نند کرتگ۔ ایشی ھواری ءَ گڈانی ءِ بازار ءَ پر ایمنیں روانکے کشگ بوتگ کہ مردم پہ 28 جولائی ءَ گوادر ءِ بلوچ راجی مچی ءَ بھر زورگ ءَ گوشگ بوتگ اَنت۔
گڈی ءَ گڈانی ءِ جتائیں جاھاں دیوال نبیسگ بوتگ اَنت۔
