بلوچ یکجھتی کمیٹی ءِ سروک ڈاکٹر ماہ رنگ ءَ ماں چاگردی رسانکدر ایکس ءَ سندی راجدوستیں سروک ھدایت لوھار ءِ کوش ءِ بگیری ءَ برجاھیں زھرشانیانی پژدر ءَ نبشتگ کہ من مردمی ھکانی نامداریں کارکن ھدایت لوھار ءِ درکانودی کوش ءِ بگیری ءَ سسی ءُ سورٹ لوھار ءِ سروکی ءَ برجاھیں زھرشانی نندانک ءِ پلہ مرزی ءَ کن ایں۔
آئی ءَ گوشتگ کہ من گوں اکوام متھدہ ءِ ورکنگ گروپ ءِ گون ءَ لوٹ کن آں کہ ھدایت لوھار ءِ کوش ءِ زوت پٹ ءُ پول ءَ بہ کنت ءُ سسی ءُ سورٹ لوھار ءِ گون ءَ انساپ ءِ دلجمی ءَ بہ دنت۔
ڈاکٹر ماہ رنگ ءَ گوشتگ کہ من گوں زندمان ءِ درسیں بھرگاں سیادی داروکیں مردمانی گون ءَ نندانک ءَ ھوار بوگ ءُ پہ انساپ ءِ لوٹ ءَ سسی ءُ سورٹ لوھار ءِ گون ءَ پلہ مرزی کنگ ءِ لوٹ ءَ کن آں۔
