بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ بلوچ سرمچاراں ایم آئی ءُ آئی ایس آئی ءِ دو کارمند ھمید اللہ ء اکتر جھمنند پنجگور، پنجگور ءِ کلم چاراہ ءُ ھمزہ ھاران ءُ کلات ءِ میانی ءَ شور پارود ڈور ءَ نشانگ کُرتگ ءُ کُشتگ۔
آئی ءَ گوشتگ کہ راجی میاربار ھمید اللہ یک سرمچارے بیتگ کہ آئی 2016 ءَ پاکستانی لشکر ءِ دیم ءَ سلاہ چگل دیگ ءَ پد پہ پاکستانی لشکر، ایم آئی ءُ آئی ایس آئی ءِ جوڑ کُرتگیں وتگڑیں سی ٹی ڈی ءَ کار کنگ ءَ بیتگ۔راجی میاربار سرمچارانی بگیری ءَ دژمن ءِ نزیکیں کارمندے بیتگ ءُ چاگردی سلکاریاں ھم ھوار بیتگ۔
جارکش ءَ گوشتگ کہ سرمچاراں آئی ءِ رندگیری ءَ یک ٹولی یے ٹاھینتگ کہ آئی راجی میار بار ءِ سر ءَ چم سک داتگ اَنت۔ چار جون ءَ آئی ءِ ساڑی بیگ ءِ ھال ءِ سربیگ ءَ سرمچاراں کاروائی کُرتگ ءُ کُشتگ۔
آئی ءَ گوشتگ کہ ھمے وڑ ءَ دگہ یک کاروائی یے ءَ سرمچاراں ھاران ءُ کلات ءِ پُرکاریں کشندہ ٹولی ءِ کارمند ھبیب اللہ مردانشھی ءِ راستیں دست ھمزہ تیر جتگ ءُ مرگ ءِ سزا داتگ۔
جارکش ءَ گوشتگ کہ اے راجی میاربار زورگریں پاکستانی لشکر، ایم آئی ءُ آئی ایس آئی ءِ جوڑ کُرتگیں ھندی کشندہ ٹولی ءِ سروک ھبیب اللہ مردانشھی کہ بنامیں الی ھیدر مھمد ھسنی ءِ دست راست اِنت پہ ھمیشے ءَ کار ءَ بیتگ۔
آئی ءَ گوشتگ کہ اے راجی میاربار ھاران، کلات ءُ کش ءُ گْوراں چاگردی سلکاریانی ھواری ءَ سرمچار شھید شمس بلوچ شہید ڈاکٹر شھیب ءُ شھید زپر بلوچ ءِ شھید کنگ ءَ تچکی ءَ ھوار بیتگ۔
جارکش ءَ گوشتگ کہ مردمانی آوار جنگ ءُ پاکستانی لشکر ءِ دست ءَ دیگ ءِ میاراں ھم ھوار بیتگ۔ آئی ءَ راجی میارباریانی مُھکمیں منّانکانی بنیاد ءَ پنچ جون ءَ بی ایل ایپ ءَ کُشگ ءِ سْوڑگ کُرتگ ءُ راجی میاربار کُشتگ ءُ کشگ ءَ پد سرمچاراں آئی ءِ سلاہ ءُ سامان ھم گوں وت بُرتگ اَنت۔
میجر گھرام ءَ گوشتگ کہ بی ایل ایپ اے راجی میاربارانی کوش ءِ زمہ واری ءَ منّ ایت۔ میاربارانی میار چارگ ءُ سزا دیگ بیتگ اَنت۔بلوچ چاگرد ءُ بلوچ راجی زْرمبشت ءِ بگیری ءَ پُرکاریں دُرسیں مردماں کڈن کن ایں کہ آ وتی میارباری چِست ءُ ایراں یل بہ کن اَنت اگاں نہ آ ھم وتی آسر ءَ سر کنگ بنت کہ پہ آیانی آؤکیں پدریچ ءَ شرمندگی ءِ سْوب جوڑ بیت۔
