ھاران: بلوچ سرمچاراں شھید کماندار ھسا امین پنام میجر مُلا ابراھیم ءِ سالروچ ءِ درگت ءَ آئی گڈی وابجاہ ءَ بیرک مک کرتگ ءُ ستک شانی ندر کرتگ۔
اھوالکار ءِ رد ءَ شھید کماندار ھسا امین ء مھمد امین پنام میجر مُلا ابراھیم پاری پنچ مئی ءَ ناگھانی چہ کوڑھیں دگینا ءَ رکست بوتگ اَت۔
بلوچستان آجوئی سنگر ( بی ایل ایپ ) ءِ جارکش میجر گھرام ءَ وتی شنگ کرتگیں درشان ءَ گوشتگ اَت کہ کماندار ھسا امین پنام میجر مُلا ابراھیم ھاران ءُ شور ءِ اوتاک کماندار بوتگ۔ آ یک نہ تُرس، جپاکش، دورچار ءُ اوپاری ئیں سرمچارے بوتگ ءُ چہ بازیں سالاں بلوچستان ءِ آجوئی ءِ جُھد ءَ گوں بی ایل ایپ ءَ ھمگرنچ بوتگ۔
