جاو: ھپت سال پیش زورگریں پاکستانی لشکر ءِ دست ءَ زور بیگواہ کنگ بوتگیں ھان مھمد ء کھور ھان ءِ کھول ءَ گوں مردمی ھکانی ادارھاں توار چست کنگ ءِ لوٹ کرتگ۔
کھول ءِ گوشگ اِنت کہ ھان مھمد ء کھور ھان جاؤ ءِ میتگ چرچری کورک ءِ جاہ منند اِنت پاکستانی لشکر ءَ 27 اکتوبر 2017 ءَ چہ جاؤ ملاھی گزی کور ءَ ھما وھد ءَ آوار جتگ ءُ بیگواہ کرتگ کہ آ کوہ ءَ گوں پساں وانڈہ بوتگ ءُ دیم پہ کوچگ ءَ پہ وت ءَ سامان ءِ زورگ ءَ پیداک بوتگ۔
آئی گوشتگ کہ ھان مھمد ءِ زوریں بیگواھی ءَ ھپت سال گوستگ بلے آئی باروا مارا انگت ءَ ھچ وڑیں ھال رسگ ءَ نہ اِنت کہ چون ءُ کج ءَ اِنت۔ اگاں ھان مھمد ءِ سر ءَ چونیں بھتامے ھست گڑا آمیدگس ءَ پیش کنگ بہ بیت۔ چہ آئی زوریں بیگواھی ءَ مئے تیوگیں کھول سکا گمیگ اِنت۔
کھول ءَ گوشتگ کہ ما گوں مردمی ھکانی ادارہ ءُ کارکناں ھوار گوں ھمک بھرگاں سیادی داروکیں مردمانی گون ءَلوٹ کن ایں کہ پہ ھان مھمد ءِ آجوئی ءَچست کنگ ءَ وتی پرزا پیلو بہ کن اَنت۔
