نواب ھیربکش مری ءِ ھمبل ءُ سلاہ بندیں جھدکار شری ھمد مری زی بیران بوتگ۔
بنشون ءِ رد شری ھمد ء بالیل مری سے شھیدیں سرمچار تل ھان مری، شیر الی مری ءُ بالیل مری ءِ پت اِنت ءُ گھارو مری ءِ ناکو اِنت۔
شری ھمد مری ءِ برازتک گھارو ھان مری پاری بی ایل اے ءِ اوتاک ءَ پاکستانی لشکر ءِ ڈرون اُرش ءَ شھید بوتگ۔
بنشون ءِ رد ءَ شری ھمد مری 1994 ءَ بلوچ آجوئی لوٹوکیں سلاہ بندیں گل بلوچ آجوئی لشکر ( بی ایل اے ) ءِ چہ بنھشت ءِ ایر کنوکیں سروکاں اِنت۔
آئی سے زھگانی شھیدی ءَ ابید دگہ باز سیاد ھم شھید بوتگ ءُ آئی کھول ءِ مردم انگت ءَ بیگواہ اَنت۔
شری ھمد مری وتی زندگی ءِ گُڈی امر ءَ چماں کور بوتگ بلے دُژمن ءِ دیم ءَ سلاہ چگل نہ داتگ اَنت۔ آ داں وتی امر ءِ ھپتاد ءُ پنچمی سال ءَ انگت ءَ گوں جھد ءَ ھوار بوتگ۔
