کلات: پاکستانی پوج ءَ منگچر ءِ میتگ چوٹانک ءَ لشکرکشی ءِ میان ءَ ورنایے آوار جنگ ءَ پد تیرگواری کرتگ ءُ کشتگ۔
بنشون ءِ رد ءَ کشگ بیتگیں ورنا ءِ نام سئود نیچاری اِنت کہ آئی ءِ بابت ءَ انچش گوشگ بوگ ءَ اِنت پوج ءَ گوستگیں دو روچ ءَ لشکرکشی ءِ میان ءَ چه آئی جند ءِ ڈگار ءَ آوار جتگ ءُ بیگواه کرتگ ، چه ایشی ءَ پد تیر جتگ ءُ کشتگ ، آئی ءِ تیرسپتگیں لاش چه ڈگارے ءَ دزکپتگ۔
آئی ءِ لاش په ھژدری چار ءُ ٹپاس ءَ نادراھجاه ءَ برگ ءَ پد کھول ءِ دست ءَ دیگ بیتگ۔
چوش کہ کشگ بیتگیں ورنا سئود نیچاری 2015 ءَ بیگواہ کنگ بیتگیں کسان سالیں کپایت اللہ نیچاری ءِ برات اِنت۔
