کیچ: پاری زورگریں پاکستانی لشکر ءِ دست ءَ زور بیگواہ کنگ بوتگیں ورنا واجو سالمی ء دین مھمد ءِ کھول ءَ پہ آئی آجوئی ءَ توار چست کنگ ءِ لوٹ کرتگ۔
کھول ءِ گوشگ اِنت کہ واجو سالمی ء دین مھمد تمپ ءِ میتگ کورجو ءِ جاہ منند اِنت ھپت نومبر 2023 ءِ شپ ءَ دو ءَ چہ گس ءَ آوار جنگ ءُ بیگواہ کنگ بوتگ کہ انگت بیگواہ اِنت۔
آئی ءَ گوشتگ کہ واجو ءِ زوریں بیگواھی ءَ پنچ ماہ ءَ گیش اِنت انگت ءَ آئی ءِ بارو ءَ مارا ھچ وڑیں سرپدی دیگ نہ بوتگ کہ چون ءُ کج ءَ اِنت۔
کھول ءَ گوں مردمی ھکانی ادارھاں لوٹ کرتگ ءُ گوشتگ کہ پہ واجو ءِ آجوئی ءَ توار چست کنگ ءَ مئے کمک ءَ بہ کن اِت۔
