کیچ: بلوچستان ءِ نامداریں اکس کش کمانچر بلوچ ءِ لاش وتی جند ءِ میتگ مھیر مند ءَ گلزمین ءِ میار کنگ بوتگ، آئی جنازہ ءِ نماز ءَ مردماں بازیں کچے ءَ بھر زرتگ۔
کمانچر بلوچ ءِ لاش چہ کراچی ءَ دیم پہ مند ءَ برگ ءِ میان ءَ چارشمبے ءِ سھب ءِ ھشت ءَ کارواٹ ءَ مردم بازیں کچے ءَ آئی لاش ءِ وش آتک ءَ آتکگ اَنت۔ چہ ترندیں ھوراں ابید سھب ءِ نو ءِ نزیک ءَ مردم بازیں کچے ءَ ڈی بلوچ ءَ مچ بوتگ اَنت ءُ کمانچر ءِ لاش اِش وش آتک ءُ دروت ندر کرتگ۔ چہ اود ءَ کاروان ءِ دروشم ءَ لاش مند ءَ برگ بوتگ۔
کمانچر ءِ جنازہ ءِ نماز ءَ تربت، تمپ، مند ءُ کِر ءُ کشانی ھندانی مردماں بازیں کچے ءَ بھر زرتگ۔
