تربت: پاری جون ءَ زورگریں پاکستانی لشکر ءِ دست ءَ زور بیگواہ کنگ بوتگیں سکی ساوڑ آجو بوتگ۔
سکی بکش ساوڑ ء مھمد اسماھیل گریشگ ءِ میتگ سریج ءِ جاہ منند اِنت ءُ بلوچی زبان ءِ نبشتہ کار ءُ استادے کہ 5 جون 2023 ءَ پاکستانی لشکر ءَ چہ کیچ ءِ بنجاھی شھر تُربَت ءَ آوار جتگ ءُ بیگواہ کرتگ۔
سکی بکش ساوڑ یازدہ ماہ گیش ءِ زوریں بیگواھی ءَ پد مرچی چہ تربت ءَ آجو بوتگ۔
یات بہ بہ اِت کہ سکی ساوڑ ءِ کھول ءَ پہ آئی زوریں بیگواھی ءِ بگیری ءَ نال ءُ کیچ ءَ ھوار جتائیں جاھاں زھرشانیاں بھر زرتگ۔
