بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ پنجگور ءَ زورگریں پاکستانی لشکر ءِ گون ءَ میڑ ءَ زورگریں پاکستانی لشکر ءِ یازدہ کارمند مرتگ ءُ بی ایل اے ءِ دو جوانمردیں سرمچار ھسرت پنام اسد ءُ ابدی پنام ساوڑ شھید بوتگ اَنت۔
آئی گوشتگ کہ پنجگور ءِ ھند گرمکان ءَ 6 اپریل 2024 ءَ شپ ءَ دہ ءِ نزیک ءَ بی ایل اے ءِ سرمچار ءُ زورگریں پاکستانی لشکر ءِ میان ءَ ھما وھد ءَ میڑ بندات بوتگ، وھدے دژمنیں لشکر ءَ سرمچارانی بندر ءَ بیڑ برگ ءِ جھد کرتگ۔ دژمن ءَ انگر کرتگیں سرمچاراں ھسرت ءُ ابدی گوں جوانمردی ءَ دژمنیں لشکر ءِ گون ءَ دیم پہ دیمی کرتگ۔ اے میان ءَ زورگریں لشکر ءَ ھندی کشندہ ٹولی ءِ کارمندانی کمک گون بوتگ۔
جارکش ءَ گوشتگ کہ داں شپ ءِ سے ءَ دوئیں جوانمردیں سرمچاراں گوں دلیری ءَ دژمنیں لشکر ءُ آئی کارمندانی گون ءَ جنگ داتگ کم چہ کم یازدہ دژمنیں کارمند کشتگ ءُ باز ٹپی کرتگ۔ داں پنچ اداراں مڑگ ءَ پد دوئیں ھمپگریں سرمچار برات شھید بوتگ اَنت۔
آئی گوشتگ کہ شھید ھسرت پنام اسد، شھید ابدی پنام ساوڑ ء الی مھمد پنجگُور ءِ ھند گرمکان ءِ جاہ مننداَنت۔ دوئیں برات 2019 ءَ پہ بلوچ راجی آجوئی ءَ سلاہ بندیں جھد ءَ ھوار بوتگ اَنت۔ آ پنجگور ءِ شھر، گچک، کیلکور ءُ کولواہ ءِ جنگاں پہ راجی آجوئی ءِ گرگ ءَ پرکار بوتگ اَنت۔ دوئیں سرمچار سنگتی، ایمانداری، کار ءُ جپاکشی ءَ وتی درور وت اَنت۔ شھیدیں ھمبلاں چہ اولی روچ ءَ وتی جنگی کاروشونیانی رد ءَ دژمن چنچو جنگاں تاوان داتگ ءُ داں گڈی دم ءَ ھمے کار ءَ بوتگ اَنت۔
بی ایل اے ءِ جارکش جیھند ءَ گوشتگ کہ بی ایل اے ھمے کول ءَ کنت کہ شھیدیں ھمبلانی ھونانی بیر بلوچستان ءِ آجوئی ءِ دروشم ءَ گرگ بیت۔ پاکستانی لشکر ءُ آئی پرمان ءَ چاریگی کنوکیں کمکارانی بگیری ءَ مئے اُرش گوں ترندی ءَ برجاہ بنت۔
