بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں مستونگ ءُ پنجگور ءَ سے جتائیں اُرشاں زورگریں پاکستانی لشکر ءُ آئی چاریگ نشانگ کرتگ اَنت۔ اُرشانی آسر ءَ یک چاریگے ءَ ھوار سے کارمند مرتگ۔
آئی گوشتگ کہ بی ایل اے ءِ سرمچاراں مرچی کولپور ءِ نزیک ءَ مستونگ ءِ ھند مَرو ءَ زورگریں پاکستانی لشکر ءِ گاڑی ھما وھد ءَ گوں چیر کرتگیں شورھاں نشانگ کرتگ کہ آ وتی پانگس ءِ نیمگ ءَ روگ ءَ بوتگ۔ تراک ءِ آسر ءَ گاڑی ءَ سواریں چہ چار کارمنداں دو جاھی مرتگ ءُ دو ٹپی بوتگ، گاڑی سکا تاوان بوتگ۔
جارکش ءَ گوشتگ کہ ھمے وڑ ءَ سرمچاراں پنجگور جاوید چاراہ ءَ یک درآمدیں مردمے ساجد ھسین ء سابر ھسین تیرگواری کرتگ ءُ کشتگ۔ اے مردم ءَ وتی دروشم مٹ کرتگ ءُ پہ زورگریں پاکستانی لشکر ءِ پرمان ءَ چاریگی کنگ ءَ بوتگ۔
آئی گوشتگ کہ بی ایل اے ءِ سرمچاراں 3 اپریل چارشمبے ءَ مستونگ شھر ءَ میجر چاراہ ءِ نزیک ءَ زورگریں پاکستانی لشکر ءِ پانگس گوں دستی بمب ءَ نشانگ کرتگ۔ تراک ءِ آسر ءَ کم چہ کم سے دژمنیں کارمند ٹپی بوتگ۔
بی ایل اے ءِ جارکش جیھند ءَ اُرشانی زمہ واری منّ اتگ ءُ گوشتگ کہ زورگریں پاکستانی لشکر ءِ چہ بلوچستان ءَ سرجم ءَ در آھگ ءَ مئے اُرش برجاہ بنت۔
