بلوچ آجوئی لوٹوکیں سروک اَبدالنبی بنگلزھی ءَ وتی درشانے ءَ شھید سنگت سنا ءَ ستک شانی ندر کرتگ ءُ گوشتگ کہ سنگت سنا یک جوانیں جھدکارے بوتگ کہ آئی ماں پراہ ءُ شاھگانیں بلوچ سرڈگار ءَ چہ ڈیرہ گازی ھان ءَ داں مکران ءَ راجی آجوئی ءِ جھد دیم ءَ برتگ۔
آئی ءَ گوشتگ کہ سنگت سنا ءِ مھکمیں گل ءُ ٹکی گر ءُ دار ءَ دُژمن ناز ناگیگ بوتگ ءُ آئی ءَ بلوچ راج ءِ پیر ءُ ورنایانی تہ ءَ نامداریں ورنا زور بیگواھی ءِ دوسال ءَ پد شھید کرتگ کہ دُژمن ءَ ابید پروش ءَ دگہ ھچ نہ رس اِتگ۔
آجوئی لوٹوکیں سروک ءَ گوشتگ کہ پاکستان سرکار ءَ وتی بندیگجاہ ءَ راھشون چہ آئی لیکہ ءَ دزکش کرت نہ کرتگ بلکیں آئی ءَ شھید کرتگ ءُ پہ مدامی نمیران کرتگ۔ بلوچستان ءِ آجوئی جھد ءِ سروک سنگت سنا ءَ آئی شھیدی ءِ سیزدھمی سالروچ ءَ سُھریں دروت ندر کناں۔
