زوربیگواھیں نوردربر سروک شبیر ءِ گھار سیما ءَ وتی تامربندے ءَ گوشتگ کہ ما چہ کیچ ءَ روانک ءَ درکپ ایں داں اسلام آباد ءَ شتگ این ءُ وتی راھبندی لوٹ ایر کرتگ اَنت، بلے سرکار ءَ مئے لوٹانی گوشدارگ ءَ ابید مئے گون ءَ زوراکی کرتگ۔ چہ زوریں بیگواھی ءِ جیڑہ ءِ گر ءُ دار کنگ ءَ ابید گیش کنگ بوتگ ءُ سکا ناگیگ بوگ ءَ اِنت۔
آئی ءَ گوشتگ کہ گوستگیں روچاں ڈیرہ بگٹی ءَ یازدہ مردم زور بیگواہ کنگ بوتگ، کیچ سامی ءَ واھد بکش، ھاران ءَ اکتر ءُ زی چہ پسنی ءَ بس ءَ مھبوب ایرکنگ ءُ زور بیگواہ کنگ بوتگ۔ اے وھد ءَ تربت ءَ ڈی بلوچ دگ بند اِنت ءُ زوربیگواھیں مردمانی کھول نندانک ءَ نشتگ اَنت۔ من ھما کھولاں ساڑاھاں آیاں ترس پروشتگ ءُ پہ وتی آزیزاں زھرشانی کنگ ءَ اَنت۔
سیما ءَ گوشتگ کہ من گوں درسیں زور بیگواھیں مردمانی کھولاں لوٹ کناں پہ وتی زور بیگواھیں مردمانی آجوئی ءُ پہ ھک ءَ در بہ کپ انت کہ آیانی آزیز چہ سالاں زندانانی تہ ءَ بندیگ اَنت۔ پہ وتی مردماں توار چست بہ کن اِت دانکہ شمے مردم پہ سلامتی آجو بہ بنت۔
آئی ءَ گوشتگ کہ ھما مردم چہ ترس ءَ بے توار اَنت من گوں آیاں دزبندی کناں کہ نوں بے توار مہ بہ اِت ءُ مہ ترس اِنت پہ وتی آزیزاں توار چست بہ کن اِت۔
