شال ءَ پہ نودربر ھدیجہ پیرجان ءِ آجوئی ءَ بولان میڈیکل کالج ءِ دیم ءَ پنچ روچ اِنت کہ زھرشانی نندانک برجاہ اِنت۔ داں پنچ روچ ءَ یکشل ءَ زھرشانی ءَ ابید چہ انتزامیہ ءِ نیمگ ءَ پہ آئی آجوئی ءَ دلجمیں گامگیج زورگ نہ بوتگ، زھرشانی کنوک یکشل ءَ ترسینگ بوگ ءَ اَنت۔
مرچی شال ءِ جتائیں ھنداں بی ایم سی نادراھجاہ، بروری دگ، ایسا نگری ءَ پنتاک بھر ءُ بانگ کنگ بوتگ۔ اے مھم ءِ مول ریاستی زوراکیانی پاشک کنگ بوتگ کہ بلوچ مھلوک ھاس بلوچ زالبول زور بیگواہ کنگ بوگ ءَ اَنت۔
بلوچ یکجھتی کمیٹی ءَ گوں میان استمانی انسانی ھکانی گلاں لوٹ کرتگ کہ اے زوراکی ءِ بگیری ءَ توار چست بہ کن اَنت۔
بنشون: درشان اکس: بی وائی سی
