شال: وائس پار بلوچ مسنگ پرسنز(وی بی ایم پی) زھرشانی گدان ءَ شال پریس کلب ءِ دیم ءَ 6147 روچ سرھم بوتگ۔
وی بی ایم پی ءِ ایگزیکٹو کمیٹی ءِ کارکن نیاز مھمد ءَ تران کرتگ ءُ گوشتگ کہ زوریں بیگواھی نہ تھنا پاکستان ءِ راھبند ءِ بگیری اِنت بلکیں جھانی انسانی ھکانی راھبند ءِ ھم لگتمالی اِنت۔ چونیں ھم شھری یے ءِ کانودی زندان ءَ بندیگ کنگ ءُ آئی کھول ءَ سرپدی نہ دیگ ءُ آمیدگس ءَ پیش نہ کنگ پہ کانود ءَ جستے ودی کنت۔
آئی لوٹ کرتگ کہ درسیں بیگواھیں مردم زوت آمیدگس ءَ پیش کنگ ءُ آیاں کانودی ھک دیگ بہ بنت۔ چہ درکانودی گامگیجاں انساپ ءِ جھد ءَ دارگ نہ بیت۔
آئی گوشتگ کہ بیگواھیں مردمانی کھول گوستگیں بازاں سال اِنت چہ اے جنجالانی دیمپان اَنت۔ مات وتی زھگانی راھاں چارگ ءَ اَنت، گھار ءُ زھگ انساپ ءِ ودار اَنت۔
آئی گوشتگ کہ پہ زوریں بیگواھی ءُ درکانودی کوش ءِ درچ ءِ ھلاس کنگ ءُ گامگیج زورگ بہ بیت۔ زمہ وار کانود ءِ رد ءَ جست کنگ بہ بنت ءُ اے جیڑہ ءَ پاکستان ءِ راھبند ءُ انسانی ھکانی کانود ءِ رد ءَ گیش ءُ گیوار بہ کن انت۔
بنشون: درشان اکس: وی بی ایم پی
