برتانیہ ءِ شھر لندن ءَ سندھی ایسوسی ایشن آپ نارتھ امریکہ ءِ نیمگ ءَ بنداتی میان استمانی سندھی کانپرنس 2026 یونیورسٹی آپ ویسٹ منسٹر ءَ برجم دارگ بوتگ ۔ اے دیوان ءَ چہ سرجمیں جھان ءَ سندھی جھگیر، دانشور ءُ کارکناں بھر زرتگ۔
اے دیوان ءَ اتھاد، پجار ءُ سند ءِ مھلوک ءِ گون ءَ بیوکیں انسانی ھکانی جیڑھانی سر ءَ گپ ءُ تران کنگ بوتگ۔
دیوان ءِ میان ءَ وائس پار مسنگ پرسنز آپ سند ءِ یورپ چیپٹر ءِ کوارڈینٹر سارنگ سندھی ءَ پہ انسانی ھکانی کارانی درگت ءَ داد دیگ بوتگ۔ زوریں بیگواھی ءِ جیڑہ ءِ دیم ءَ آرگ ءَ آئی جھد ستا کنگ ءُ گوشگ بوتگ کہ آئی ءَ سانمندیں کھولانی جیڑہ ءِ میان استمانی تک ءَ دیم ءَ آرگ ءَ جوانیں کرد پیلو کرتگ۔
آیاں گوشتگ کہ سارنگ سندی ءَ پہ انسانی ھک، آجوئی ءَ کانود ءِ رد ءَ یکشل ءَ کار کرتگ۔ سانمندیں مردمانی کمک کرتگ ءُ پہ انساپ ءَ توار چست کرتگ۔
آیاں گوشتگ کہ سارنگ سندی ءَ کراچی، سند ءَ کار کنگ ءَ پد نوں یورپ ءِ جتائیں شھراں، لندن، برسل، دی ھیگ ءُ جنیوا ءَ کار کنگ ءَ اِنتءُ وتی جھد ئے برجاہ داشتگ۔
بنشون: درشان اکس: اھوالکار
