چہ کراچی پریس کلب ءِ دیم ءَ سند پولیس ءَ بی وائی سی ءِ کارکن پوزیہ شاشانی دزگیر کرتگ۔
اھوالکار ءِ رد ءَ پوزیہ شاشانی گوں وتی کھول ءِ ھواریءَ پہ وتی برات داد شاشانی ءِ زوریں بیگواھی ءِ بگیری ءَ کراچی ءَ پریس کلب ءَ پریس کانپرنس ءَ اتکگ کہ سند پولیس ءَ پوزیہ شاشانی گوں مات ءُ کھول ءِ آدگہ مردمانی ھواری ءَ دزگیر کرتگ ءُ برتگ۔
آئی دزگیری ءَ گپ بلوچ یکجھتی کمیٹی ءِ سروک سمی دین ءَ راست کرتگءُگوشتگ کہ پوزیہ بلوچ پہ وتی زور بیگواھیں برات دادشاہ ء آجوئی ءَکراچی پریس کلب ءَ پرنس کانپرس کنگ لوٹ اتگ، گوستگیں چار روچ اِنت کہ آئیءَ موکل دیگ ءَ نہ اَنت۔ مرچی آ لاچار بوتگ کہ پریس کلب ءَ ڈن توار چست بہ کنت گڑا کراچی پولیسءَ گوں کھول ءَ ھوار دزگیر کرتگ۔
سمی دین ءَ گوشتگ کہ پہ زور بیگواھیں مردمانی کھولاں نہ انساپ ءِ دروازگ پچ اِنت، نہ آیانی ایپ آئی آر نبشتہ کنگ بیت ءُ نہ آیان ءَ گپ جنگ ءِ جاہ دیگ بیت۔ بلے شرم ءِ گپ ایش اِنت کہ پولیس آیانی گپاں ھم گوش نہ دار ایت، پہ اے مردمانی توار ءِ دارگ ءَ آیاں دزگیر کنت۔
بنشون: اھوالکار اکس: رسانکدر
