کراچیءَ سی ٹی ڈی ءُ چیریں ادارھانی کارمنداں بیڑ برتگءُ داد شاہ بلوچ ء سپر ھان آوار جتگ ءُ بیگواہ کرتگ۔
زرمبش جھگیر ءِ ردءَ داد شاہ بلوچ مرچی بیگاہ ءَ چہ کراچی ءِ ھند ھاکس بے ءَ ابدرھمان گوٹ ءَ آوار جنگ بوتگ۔ داد شاہ بلوچ چہ ایشی ءَ پیش یازدہ اگست 2023 ءَ چہ کراچی ءَ بیگواہ کنگ بوتگ اَت، بیست ءُ ھپت روچ ءِ زوریں بیگواھی ءَ پد یل کنگ بوتگ اَت۔ اے آئی دومی رند اِنت بیگواہ کنگ بوتگ۔
داد شاہ بلوچ ءِ زوریں بیگواھی ءِ گپ آئی گھار بی وائی سی ءِ سروک پوزیہ بلوچ ءَ راست کرتگ ءُ وتی تامربندے ءَ گوشتگ کہ من داد شاہ بلوچ ءِ آوارجنی ءِ گواہ آں کہ منی برات مئے کھول ءِ دیم ءَ آوار جنگ ءُ برگ بوتگ۔
بنشون: اھوالکار اکس: رسانکدر
