بلوچ یکجھتی کمیٹی ءَ شھرام بلوچ ء بھران ءُ زلپکار بلوچ ء مساپر بلوچ ءِ زوریں بیگواھی ءَ پد پروم ءَ آیانی درکانودی کوش ایر جتگ۔
بی وائی سی ءِ رد ءَ دوئیں مردم گیشتگان ءِ جاہ منند اَنت ءُ شپانک اَنت۔ 21 پروری 2026 ءَ چہ زامران ءَ نھنگ ءَ پاکستانی پوج ءَ آوار جتگ ءُ بیگواہ کرتگ اَنت۔ دوئیں لس شھری اَنت ءُ گوں ھچ وڑیں سلاہ بندیں کاراں ھوار نہ بوتگ اَنت۔ چہ آیانی زوریں بیگواھی ءَ پد کھول داں باز ھپتگاں جنجالانی دیمپان بوتگ اَنت۔
آئی ءِ گوشگ اِنت کہ دو ماہ ءَ پد 16 اپریل 2026 ءَ دوئینانی لاش چہ پروم ءَ دزکپتگ اَنت کہ آ دروگیں میڑ ءَ کشگ بوتگ اَنت۔
بی وائی سی ءَ گوشتگ کہ شھرام بلوچ ءُ زولپکار بلوچ ءِ جتائیں کیس نہ اَنت بلکیں بلوچستان ءَ برجاھیں زوریں بیگواھی ءُ درکانودی کوشانی درچ اِنت، لس شھری بیگواہ کنگ بنت ءُ پد ءَ دکانودی کشگ بنت۔
آئی ءَ اے کیس ءَ ھواریں زمہ وارانی جست گرگ ءِ لوٹ کرتگ ءُ چہ اکوام متھدہ، میان استمانی انسانی ھکانی گل ءُ گوں میان استمانی تک ءَ لوٹ کرتگ کہ بلوچستان ءَ انسانی ھکانی لگتمالیانی سر ءَ دلگوش گور بہ کن اَنت۔ پہ سانمندیں کھولانی انساپ دیگ ءَ دلجمی بہ دے اَنت۔
بنشون: درشان اکس: مونوگرام
