کراچی، سوراب ءُ تربت ءَ پوج ءِ دست ءَ چار بیگواھیں مردم آجو بوتگ۔
اھوالکار ءِ رد ءَ چہ کراچی ءَ آجو بوتگیں مردم ءِ نام بلال ء ھیر مھمد اِنت کہ چہ کراچی ءَ شراپی گوٹ ءَ پاکستانی پوج ءَ ھشت اپریل ءَ آوار جنگ ءَ پد بیگواہ کرتگ اَت۔ آ 15 اپریل ءَ آجو بوتگ ءُ وتی گس ءَ سر بوتگ۔
ھمے وڑ ءَ چہ تُربَت ءَ زوربیگواھیں ھالد ھبیب ء ھبیب اللہ آجو بوتگ۔ آجو بوتگیں ھالد ھبیب بلیدہ سلو ءِ جھمنند اِنت۔ پاکستانی پوج ءَ یازدہ مارچ ءَ آوار جتگ ءُ بیگواہ کرتگ اَت۔ آ شازدہ اپریل ءَ آجو بوتگ ءُ وتی گس ءَ سر بوتگ۔
دومی نیمگ ءَ چہ سوراب ءَ بیگواھیں نجیب اشرپ ءُ اللہ بکش آجو بوتگ اَنت۔
آجو بوتگیں نجیب اشرپ ء مھمد اشرپ ءُ اللہ بکش ء ابدلکریم پاکستانی پوج ءَ ھشت اپریل ءَ آوار جتگ ءُ بیگواہ کرتگ اَنت۔ آ پازدہ اپریل ءَ چہ سوراب ءَ آجو بوتگ ءُ وتی گس ءَ سر بوتگ اَنت۔
درسیں مردمانی آجوئی ءِ گپ بلوچ یکجھتی کمیٹی ءَ راست کرتگ اَنت۔
بنشون: بی وائی سی اکس: رسانکدر
