ھب چوکی\جیونی: پاکستانی دو مردم آوار جنگ ءَ پد بیگواہ کرتگ۔
اھوالکار ءِ رد ءَ پاکستانی پوج ءَ چہ ھب چوکی ءِ ھند نزر چورنگی ءَ 25 پروری ءِ شپ ءِ ادار ھشت ءَ یک دکانے ءَ بیڑ برتگ ءُ اکتر کمبرانی ء مھمد کاسم آوار جتگ ءُ بیگواہ کرتگ۔ بیگواہ کرتگیں اکتر کلات ءِ ھند نیمرگ ءِ جھمنند اِنت ءُ آ یک دکاندارے۔
دومی نیمگ ءَ 27 پروری ءَ پاکستانی پوج ءَ گْوادر ءِ ھندجیونی، پانوان ءَ یک گسے ءَ بیڑ برتگ ءُ مردمے آوار جتگ ءُ بیگواہ کرتگ۔
زوربیگواہ کرتگیں مردم ءِ نام شاکر ء سکی داد اِنت ءُ آ یک مزدورے۔
دوئیں بیگواھیں مردمانی کھولاں گوں انسانی ھکانی ادارھاں لوٹ کرتگ کہ آ پہ مئے مردمانی آجوئی ءَ توار چست بہ کن اَنت۔
