سندھ بلوچستان ٹرانسپورٹ یونین ءِ پاکستانی پوج ءِ بگیری ءَ زھرشانی ءَ شش روچ اِنت کہ برجاہ اِنت۔
ٹرانسپورٹرانی گوشگ اِنت کہ چہ تُربَت، گْوادر ءُ پنجگور ءَ کراچی ءَ روکیں کم چہ کم سد بساں کہ ھب ءُ وندر ءِ میان ءَ ناکہ کارڑی ءِ نزیک ءَ ٹول پلازہ ءِ سر ءَ دارگ ءُ زھرشانی ءَ کنگ ءَ ایں۔
یونین ءِ گوشگ اِنت کہ ما ایپ سی ءُ کوسٹ گارڈ ءِ کارمندانی بگیری ءَ زھرشانی کنگ ءَ ایں، بلے انگت چہ سرکار ءِ نیمگ ءَ ھچ وڑیں گامگیج زورگ نہ بوتگ۔ ھرتال ءِ آسر ءَ مساپر کہ آیانی تہ ءَ نادراہ ءُ نودربر سکا جنجال اَنت۔
آیانی گوشگ اِنت دانکہ مئے لوٹ منگ مہ بنت مئے زھرشانی برجاہ بیت۔
بنشون: رسانکدر اکس: رسانکدر
