شال/مستونگ/نوشکے: زورگریں پاکستانی لشکر ءَ بیڑ برتگ ءُ شش مردم آوار جتگ۔
شال ءَ زورگریں پاکستانی لشکر ءَ بولان میڈیکل زانشجاہ ءِ پرنسپل ڈاکٹر الیاس آوار جتگ ءُ بیگواہ کرتگ۔
دوشی پاکستانی لشکر ءَ بی ایم سی ءَ ھوار جتاھیں واب جاھاں بیڑ برتگ ءُ گوں نودربراں زوراکی کرتگ ءُ ترسینتگ اَنت ءُ چہ ڈاکٹر کالونی ءَ بولان میڈیکل زانشجاہ(بی ایم سی) ءِ وائس پرنسپل ءُ سائکٹرسٹ ڈاکٹر الیاس بلوچ زوربیگواہ کرتگ۔
دومی نیمگ ءَ مستونگ ءَ پاکستانی لشکر ءَ گساں بیڑ برتگ ءُ چار مردم آوار جتگ۔
بلوچ یکجھتی کمیٹی ءَ مردمانی زوربیگواھیانی بگیری ءَ بیگاہ ءِ ادار سے ءَ بلوچستان زانشجاہ ءِ دیم ءَ زھرشانی کنگ ءِ جار جتگ۔
ھمے وڑ ءَ نوشکے کلی جمالدینی ءَ پاکستانی لشکر ءَ ورنایے آوار جنگ۔
زوربیگواہ کرتگیں ورنا ءِ نام التاپ جمالدینی ء ھمید اللہ جمالدینی اِنت کہ 19 مارچ ءِ شپ ءَ سھور ءِ وھد ءَ پاکستانی لشکر ءَ آئی گس ءَ بیڑ برتگ زھگ ءُ جنین زوراکی ءِ نشانگ کرتگ اَنت گس ءِ گرانھادیں سامان پروشتگ انت ءُ التاپ آوار جتگ ءُ بیگواہ کرتگ۔
