کولواہ ءِ میتگ ڈنڈار، نگور ءِ جاہ منندیں شاہ میر ء مھمد بکش تربت پریس کلب ءَ پریس کانپرنس کرتگءُ گوشتگ کہ چہ سرکار ءِ نیمگ ءَ منی نام بلیک لسٹ ءَ ھوار کنگ بوتگ، من یک زمیندارے آن ءُ وتی ھند ءَ ساڑی آں۔
آئی ءَ گوشتگ کہ من وتی ھند ءَ زمیندار ی ءُ گوں ٹکٹرے ءَ کار کنگ ءُ وتی گزرانءَ کنگ ءَ آں۔ من گوں ھچ وڑیں درکانودی کاراں ھوار نہ آں۔
شاہ میر بلوچ ءَگوشتگ کہ من نزاناں منی نام سرکار ءِ نیمگءَ شنگ بوتگیں لڑا پہ ردی ھوار بوتگ یا کسے ءَ منی نام داتگ۔ سرکار من ءَ کجام وھد ءَ پہ پیش بوگ ءَ لوٹ ایت من رو آں۔
لھتیں روچ پیش سرکار ءِ نیمگ ءَ بلوچ آجوئی لوٹوکانی بگیری ءَ لڑے شنگ کنگ بوتگ اَت ءُ آیانی سرانی نھاد بندگ بوتگ اِت اَنت۔ھمے لڑا شاہ میربلوچ ءِ نام ھم ھوار بوتگ ءُ آئی سر ءِ نھاد سی لک کلدار ایر کنگ بوتگ اَت۔
بنشون: پریس کانپرنس اکس: اسکرین شارٹ
