وائس پار بلوچ مسنگ پرسن ( وی بی ایم یی ) ءَ وتی درشان ءَ گوشتگ کہ کھولاں گوں وی بی ایم پی ءَ رھوت کرتگ ءُ گوشتگ کہ 16 پروری ءَ پاکستانی پوج ءَ این سی سی آئی نادراھجاہ کراچی ءِ نزیک ءَ دانیال ناسر ء ابدلناسر،مھمد اکبال ء ھالک داد ءُ ارشاد الی جاہ منند جاپر آباد آوار جنگ ءَ پد بیگواہ کرتگ اَنت۔
کھولانی گوشگ اِنت کہ اے سے ئیں ورنا پہ الاج ءَ کراچی ءَ روگ ءَ بوتگ اَنت کہ آیان ءَ ڈیھ ءِ ادارھانی کارمنداں آوار جتگ ءُ بیگواہ کرتگ۔ وھدے کہ کھول پہ وتی آزیزانی ایپ آئی آر ءَ پولیس اسٹیشن ءَ شتگ اَنت گڑا ایپ آئی آر نبشتہ کنگ ءِ جاہ ءَ پولیس کھولانی گوں جتائیں وڑاں بیھار دیگ بندات کرتگ۔
نسر اللہ بلوچ ءَ دانیال ناسر، مھمد اکبال ءُ ارشاد الی ءِ زوریں بیگواھی ءُ پولیس کارمندانی نیمگ ءَ کھولانی ترسینگ ایر جتگ ءُ چہ سند سرکار ءَ لوٹ کرتگ کہ آ بلوچستان ءِ ورنایانی زوریں بیگواھی ءَ زوت دلگوش بہ دنت ءُ پہ دانیال ناسر، مھمد اکبال ءُ ارشاد الی ءِ آجوئی ءَ وتی کرد ءَ پیلو بہ کنت۔
بنشون: درشان. اکس: وی بی ایم پی
