ھب چوکی ءُ شال ءَ پاکستانی پوج ءَ پرندوشیءُ دوشی بیڑ برتگ ءُ چار ورنا آوار جنگ ءَ پد بیگواہ کرتگ۔
زرمبش جھگیرءِ رد ءَ چہ ھب چوکی ءَ زور بیگواہ کنگ بوتگیں ورنایانی نام لتیپ بلوچ ء ملا اشرپ ءُ وسیم بلوچ ء دولت اِنت ۔ ابدلتیپ جاؤ ءِ میتگ ملاھی گزیءِ جاہ منند اِنت ءُ دولت آوارانءِ ھند پاو ءِ جاہ منند اِنت۔
ھندی بنشونءِ رد ءَ پاکستانی پوج ءَ پرندوشی ھب چوکی ءِ ھند داروھوٹل ءَ بیڑ برتگ ءُ آوار جنگ ءَ پد بیگواہ کرتگ اَنت۔
ھمے وڑ ءَ دوشی چہ شال ءِ ھند سریاب ءَپاکستانی پوج ءَ دو ورنا آگا شاھد الی ءُ آگا لال شاہ آوار جتگ ءُ بیگواہ کرتگ اَنت۔
آیانی زوریں بیگواھی ءِ گپ کھول ءَ راست کرتگءُ گوشتگ کہ چہ آیانی آوار جنی ءَ پد مارا آیانی بابت ءَ ھچ وڑیں سرپدی دیگ ءَ نہ اَنت۔
بنشون: اھوالکار اکس: ٹی بی پی
