بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی درشان ءَ گوشتگ کہ بی ایل ایپ ءِ سرمچاراں پنچ پروری ءَ مشکے ءِ ھند بنڈکی ءَ پاکستانی پوج ءِ سر ءَ گوں راکٹ لانچر ءُ آدگہ سلاھاں ارش کرتگ۔ راکٹ ءِ دو گولا چوکی ءِ تہ ءَ کپتگ، ایشی آسر ءَ دژمنیں پوج ءَ جانی ءُ مالی تاوان بوتگ۔
آئی ءَ گوشتگ کہ چار پروری ءِ بیگاہ ءَ سرمچاراں جاؤ ءِ ھند بگاڑی زیلگ ءَ زورگریں پوج ءِ بنجل ءِ سر ءَ ارش کرتگ۔ سرمچاراں بندات ءَ گوں اسنائپر ءَ یک کارمندے نشانگ کرتگ کہ آ جاھی مرتگ ءُ رند ءَ گوں راکٹ ءُ آدگہ سلاھاں بنجل ءِ سر ءَ ارش کرتگ۔ ارش ءِ آسر ءَ پوج ءَ جانی ءُ مالی تاوان بوتگ۔ ارش ءَ پد دژمن ترس آماچ بوتگ ءُ لس آبادی ءِ سر ءَ ارش کرتگ۔
جارکش ءَ گوشتگ کہ چار پروری ءَ دگہ کاروائی یے ءَ سرمچاراں جاؤ ءِ ھند کوٹو ءَ پاکستانی پوج ءِ سر ءَ چہ نزیک ءَ گوں راکٹ، ایل ایم جی ءُ آدگہ سلاھاں ارش کرتگ۔ ارش داں دیر ءَ برجاہ بوتگ دژمن ءِ باز کارمند مرتگ ءُ ٹپی بوتگ۔ پروش وارتگیں دژمنیں پوج ءَ داں چار ادار ءَ لس آبادی ءِ سر ءَ درزنانی کچ ءَ مارٹر گولا آس داتگ ءُ تیرگواری کرتگ۔
آئی ءَ گوشتگ کہ چار پروری ءَ بی ایل ایپ ءِ سرمچاراں جاؤ ءِ مزنیں بازار ءَ ایم آئی ءِ کارگس ءِ سر ءَ گوں مزنیں سلاھاں ارش کرتگ۔ ایشی آسر ءَ ایم آئی ءِ کارمنداں جانی ءُ مالی تاوان بوتگ۔
آئی ءَ گوشتگ کہ چہ ایشی پیش سے پروری ءِ سھب ءَ سرمچاراں مند ءِ ھند شیراز ءَ برجاھیں زورگریں پاکستانی پوج ءِ یک چوکی یے ءِ سر ءَ گوں مزنیں سلاھاں ارش کرتگ۔ ارش ءِ میان ءَ سرمچاراں چوکی ءِ سر ءَ جتگیں چاریگی کیمرہ ھم نشانگ کرتگ ءُ تباہ کرتگ اَنت۔ ایشی آسر ءَ زورگریں پوج ءَ جانی ءُ مالی تاوان بوتگ۔
جارکش ءَ گوشتگ کہ بی ایل ایپ ءِ سرمچاراں 2 پروری ءِ ارش کرتگ ءُ واشک شھر انگر کرتگ۔ سرمچار شھر ءَ پترتگ اَنت ءُ جتائیں سرکاری ادارہ انگر کرتگ اَنت ءُ سرکاری کارجاہ تاوان داتگ اَنت، آیانی تہ ءَ ڈپٹی کمشنر ءِ کارگس، پولیس سپرنٹنڈنٹ ءِ کارگس ءُ نیشنل بینک ھوار اَنت۔ اے میان ءَ مزنیں بازار سرمچاراں سرجم ءَ انگر کرتگ۔
آئی ءَ گوشتگ کہ اے میان ءَ پوج گوں دو گاڑی ءَ دیم ءَ اتکگ ءُ سرمچارانی انگر کنگ ءِ جھد کرتگ گڑا سرمچاراں گوں گھگیری ءَ دوئیں گاڑیانی سر ءَ ارش کرتگ۔ اے میڑ ءِ میان ءَ 13 پوجی کارمند جاھی مرتگ ءُ دگہ لھتیں کارمند تچک ءَ سوبین بوتگ۔ کاروائی ءَ پد سرمچاراں مرتگیں پوجیانی توپک زرتگ اَنت ءُ دوئیں پوجی گاڑی مانداشتگ اَنت۔ اے ارش ءَ سرمچاراں دژمن ءِ سر ءَ کھر گوارتگ ءُ نہ تھنا وتی بودناکی پیش داشتگ بلکیں پہ دژمن ءَ تچک کرتگ کہ بلوچستان ءَ گام پہ گام ءَ سرمچار کھر گوارگ ءَ جاڑیگ اَنت۔
جارکش ءَ گوشتگ کہ دو پروری ءَ دگہ یک کاروائی یے ءَ بی ایل ایپ ءِ سرمچاراں آواران ءِ ھند ماشی ءَ دژمنیں پوج ءِ چوکی ءِ سر ءَ گوں مزنیں سلاھاں ارش کرتگ، ایشی آسر ءَ دژمن ءَ جانی ءُ مالی تاوان بوتگ۔
آئی ءَ گوشتگ کہ ھمے روچ ءَ دو پروری ءَ سرمچاراں آواران ءِ ھند سیاہ گزی ءَ پوج ءِ چوکی ءِ سر ءَ گوں مزنیں سلاھاں ارش کرتگ، ایشی آسر ءَ دژمن ءَ جانی ءُ مالی تاوان بوتگ۔
جارکش ءَ گوشتگ کہ بیست ءُ نُھ جنوری ءِ شپ ءَ سرمچار گل ءِ کارے ءَ مند ءِ ھند چکاپ ءِ نیمگ ءَ سپر ءَ بوتگ اَنت کہ راہ ءَ گوں دژمن ءِ پیادگیں کارمنداں دیم پہ دیم بوتگ اَنت میڑے بندات بوتگ۔ میڑ ءِ میان ءَ سرمچاراں شریں وڑے ءَ کاروائی کرتگ ءُ دژمن ءِ کارمند نشانگ کرتگ اَنت ایشی آسر ءَ دژمن پد کنز بوتگ۔
آئی ءَ گوشتگ کہ بنداتی میڑ ءَ پد دژمن ءِ چار گاڑیانی کاروانے ھمے جاہ ءَ سر بوتگ، اے درگت ءَ سرمچاراں گوں جوانیں جنگی کارشونیاں سنگر گپتگ ءُ کاروان ءَ ھواریں کارمند نشانگ کرتگ اَنت۔ کاروائی ءِ میان ءَ یک گاڑی یے ءِ ڈرائیورے مرتگ ءُ دو کارمند ارش ءَ جنگ بوتگ بازیں کچے ءَ ٹپی بوتگ اَنت۔ ارش ءِ میان ءَ دژمن ءِ یک گاڑی یے سکا تاوان بوتگ ءُ آدگہ گاڑیاں کمیں تاوان بوتگ۔
جارکش ءَ گوشتگ کہ ارش ءَ دژمنیں پوج ءِ زمینی لشکر تچک ءَ بے سوب بوتگ، ایشی آسر ءَ پوج ءَ کواڈ کاپٹر ءِ رد ءَ چہ برز ءَ چارگ ءِ جھد کرتگ پد ءَ ھم بلوچ سرمچار چہ ھند ءَ پہ سلامتی درکپگ ءَ سوبین بوتگ اَنت۔
آئی ءَ گوشتگ کہ 28 جنوری ءَ سرمچاراں بلیدہ ءِ ھند الندور ءَ زورگریں پوج ءِ یک چوکی یے ءِ سر ءَ گرنیڈ لانچر ءِ باز گولا آس داتگ کہ آ چوکی ءَ لگ اتگ اَنت۔ اے کاروائی ءِ آسر ءَ زورگریں پوج ءَ جانی ءُ مالی تاوان بوتگ۔
میجر گھرام بلوچ ءَ درشان ءِ گڈی ءَ درسیں کاروائیانی زمہ واری منّ اتگ۔
