بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ ھاران شھر ءَ ریاستی کشندہ ٹولی ءِ کارمنداں 17 جولائی 2025 ءَ تیرگواری کرتگ ءُ سرمچار مجاھد بلوچ شھید کرتگ۔ بی ایل ایپ مجاھد بلوچ پنام وشین ءَ آئی دیمونیانی سر ءَ ستک شانی ندر کنت۔
آئی ءَ گوشتگ کہ شھید مجاھد 2018 ءَ بی ایل ایپ ءَ ھوار بوتگ ءُ شھری چیرجنگی جھد بندات کرتگ۔ آئی ھاران شھر ءَ بی ایل ایپ ءِ شوربندیانی رد ءَ گل ءِ مھکم کنگ ءَ جوانیں کرد پیلو کرتگ۔
جارکش ءَ گوشتگ کہ شھید مجاھد ءَ جھد ءُ جپاکشی ءُ شھری چیرجنگیانی رد ءَ گل ءِ کار جوانیں وڑے ءَ کرتگ اَنت ءُ شھری سرمچاران ءَ جنگی شوربندی ءُ ھیلہ شریں وڑے ءَ پیش داشتگ۔ آئی زندگی پہ شھری سنگتاں یک پھر ءِ مسالے اِنت۔ شھید مجاھد بلوچ ھمک پیم ءَ پہ گل ءِ زمہ واریاں ھمک وھد ءَ جاڑیگ اَت۔ آئی ھاران، واشک، نوشکی ءُ چاگی ءَ گل ءِ کاراں جوانیں کرد پیلو کرتگ۔
میجر گھرام بلوچ ءَ گوشتگ کہ گل راجی آجوئی زرمبشت ءَ مجاھد سیاہ پاد پنام ء وشین بلوچ ءِ کاراں آئی ءَ ستک شانی ندر کنت ءُ ھمے کول ءَ کنت کہ راجی آجوئی ءِ شھیدانی کاروان ءَ داں گڈی منزل ءَ برجاہ دار ایں۔
