بلوچستان لبریشن پرنٹ ( بی ایل ایپ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں بلوچ چکچینی ءَ ھواریں چیریں ادارہ ءِ چریک مسلم ء نیامت اللہ جھمنند مند ھوزھی چہ گوبرد ءَ پنچ اکتوبر ءَ دزگیر کرتگ۔ جست ءُ پرس ءِ میان ءَ آئی وتی درسیں میار من اِتگ اَنت ءُ گوشتگ کہ آ مند ءَ بلوچ ورنا سنا ء شوکت، ازھار ء مجیب ءُ ملا بھرام ءِ شھیدی ءُ گومازی ءَ جلال ء ھاجی یار مھمد ءُ ھمل ء واھد بکش ءِ کوش ءَ چاریگی ءُ کمک کرتگ۔
جارکش ءَ گوشتگ کہ آئی وتی میار سرجم ءَ من اِتگ اَنت ءُ گوشتگ کہ پاری آ وتی سنگتانی ھواری ءَ مند بلو ءَ سنا ء شوکت ءِ شھیدی ءَ گوں بوتگ۔ اے کار ءَ آئی سنگت اودوک ء سلام کہ تلمب ءِ جھمنند اِنت آئی تیرگواری کرتگ ءُ سنا کشتگ۔ اے کار آیاں کشندہ ٹولی ءِ کارمند سگیر پنام بلال پرماتگ۔ چوش کہ سگیر پنام بلال لھتیں سال پیش دژمن ءِ دیم ءَ سلاہ چگل داتگ اَت۔
جارکش ءَ گوشتگ کہ میاربار ءَ من اِتگ کہ ھمے سال ءِ سیزدہ جولائی ءَ تربت ءِ ھند جوسک ءَ ھمل ء واھد بکش جھمنند گومازی ءِ کُشارینگ ءَ چاریگی کرتگ ءُ وتی آدگہ سنگتانی دست ءَ آ نشانگ کنائینتگ۔ اے کار ءِ پرمان پاکستانی پوج ءِ کرنل ھپیز ءَ داتگ ءُ پہ چاریگی ءَ آیاں 25 ھزار کلدار دیگ بوتگ۔ ھمے وڑ ءَ گومازی ءَ شش ستمبر ءَ جلال ء ھاجی یار مھمد ءِ کُشارینگ ءَ آئی پون ءِ سر ءَ سرپدی داتگ کہ سئید ء تھسیلدار آبد ءُ آئی سنگتاں تیرگواری کرتگ ءُ جلال کشتگ۔ پہ اے کار ءَ آ ءُ آئی یک دگہ سنگتے ءَ بیست ھزار کلدار دیگ بوتگ۔
جارکش ءَ گوشتگ کہ راجی میاربار ءَ من اتگ کہ آ تربت ءَ یک ورنایے ءِ زوریں بیگواھی ءَ چاریگی کرتگ۔ پہ ایشی ءَ آئی ءَ 25 ھزار کلدار دیگ بوتگ۔ رند ءَ آئی ءَ مند ءَ روگ ءِ گوشگ بوتگ۔ آئی ازھار ء مجیب ءُ ملا بھرام نامیں مردمے ءِ کوش ءَ ھوار بوگ ءِ من اِتگ۔ آئی گوشتگ کہ آ گوں وتی دگہ سے سنگتاں ھوار ازھار ء مجیب ءَ آئی دکان ءِ تہ ءَ نشانگ کنگ ءُ کشگ ءَ ھوار بوتگ کہ آ پرپٹ ءِ چلائینگ ءَ بوتگ ءُ آئی یک سنگتے ءَ تیرگواری کرتگ ءُ ازھار کشتگ ءُ پد ءَ آ پوج ءِ بنجل ءَ شتگ اَنت ءُ پاکستانی پوج ءَ دہ ھزار کلدار داتگ ھمے روچ ءَ آ وتی سنگتانی ھواری ءَ ملا بھرام ءِ کشگ ءَ گوں بوتگ کہ ایشی ءَ پازدہ ھزار کلدار رستگ۔ کوش ءِ دوئیں پرمان سگیر پنام بلال ءَ داتگ اَنت۔
جارکش ءَ گوشتگ کہ راجی میاربار ءَ من اِتگ کہ آئی بلوچ سرمچارانی پون نمبرانی پٹ ءُ پول کرتگ ءُ پوج ءَ داتگ کہ پوج اے نمبراں ٹریس کنت، پوج ءُ پہ اے کار ءَ آئی ءَ پنجاہ ھزار داتگ۔
آئی گوشتگ کہ میاربار ءِ درسیں میارانی منگ ءَ پد بی ایل ایپ ءِ سرمچاراں نھ اکتوبر ءَ تیرگواری کرتگ ءُ راجی میاربار مسلم ء نیامت اللہ کشتگ۔
میجر گھرام بلوچ ءَ گوشتگ کہ بی ایل ایپ ءِ سرمچار نھ اکتوبر ءِ شپ ءَ دشت ءِ ھند کڈان ءَ گل ءِ کارے ءَ راہ ءَ گوزگ ءَ بوتگ اَنت کہ کشندہ ٹولی ءِ کارمنداں آیانی رندگیری کرتگ ءُ تیرگواری کرتگ۔ بلوچ سرمچارانی ءُ کشندہ ٹولی ءِ میان ءَ میڑ ءَ کشندہ ٹولی ءِ کارمند مھبوب ء بابو جھمنند مکسر جاھی مرتگ ءُ آئی یک دگہ ھمراھے ٹپی بوتگ۔ سرمچار میڑ ءَ پد پہ سلامتی درکپگ ءَ سوبین بوتگ اَنت۔
آئی گوشتگ کہ اے ٹولی نادل ءِ سروکی ءَ تیل ءِ کاروبار کنوکیں گاڑیاں زر گرگ ءُ ورنایانی نشانگ کنگ ءُ لشکرکشیاں پوج ءِ گون ءَ ھوار بوتگ اَنت۔ منشیات ءُ آدگہ چاگردی سلکاریاں ھوار بوتگ اَنت۔
میجرگھرام بلوچ ءَ دوئیں راجی میاربار مسلم ءُ مھبوب ءِ کوش ءِ زمہ واری من اِتگ ءُ گوشتگ کہ گوں آیاں ھواریں درسیں کارمندانی سرپدی گل ءِ کر ءَ ھست اَنت آ زوت گڈی آسر ءَ سر کنگ بنت۔
