بلوچستان لبریشن پرنٹ ( بی ایل ایپ ) ءِ نیمگ ءَ نوکنڈی ءَ کمپاؤنڈ ءِ سر ءَ بیتگیں ارش ءَ شھید پدائی زرینہ رپیک پنام ترانگ ماھو ءِ اکس وتی رسانکدری تندجاہ آشوب چینل ءَ شنگ کرتگ۔
آئی ءَ گوشتگ کہ پہ سوب ءِ کاروائی ءِ پیلو کنگ ءَ جند ندری زرینہ رپیک پنام ترانگ ماھو پہ کمپاؤنڈ ءِ مزنیں دروازگ ءِ پروشگ ءَ وت ءَ کربان کرتگ ءُ سوب ءِ آدگہ سنگت کمپاؤنڈ ءِ تہ ءَ پترگ ءَ سوبین بیتگ اَنت۔
سوب ءِ جنگولاں اے ارش چاگے ءِ ھند نوکنڈی ءَ مرچی بیگاہ ءَ بندات کرتگ۔ گل ءِ رد ءَ اے ارش انگت برجاہ اِنت۔ سرمچار بنجل ءِ تہ ءَ ساڑی اَنت۔
اے ارش ءِ بابت ءَ بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ اِت کہ بی ایل ایپ ءِ ادارہ سوب ءِ سرمچاراں بلوچستان ءِ ھند نوکنڈی ءَ ریکوڈک ءُ سیندک ءِ گون ءَ ھمگرنچیں دری مردم ءُ انجئینرانی برجاھیں مزنیں کمپاؤنڈ ءِ سر ءَ ترندیں ارشے کرتگ کہ انگت برجاہ اِنت۔
آئی ءَ گوشتگ کہ سرجمیں درشان زوت شنگ کنگ بیت۔
